ubett mm  မန်စီးတီးအသင်း အခု နံပါတ် ၁ မှာရှိနေတဲ့အာဆင်နယ်ကို အနောက်ကနေ အသက်ကုန်လိုက်နေပါတယ်။ စီးတီးရဲ့ရမှတ်က အာဆင်နယ်ထက် ၈ မှတ်နည်းပြီး ပြိုင်ပွဲအရေအတွက်ပါ ၁ ပွဲ ပိုနည်းပါတယ်။ လက်ကျန်ပွဲကို အနိုင်ရခဲ့ရင်တော့ ၅ မှတ်ထဲပဲ ကွာဟလိမ့်မယ်။ ပြီးတော့ အဲ့ထက်အရေးကြီးတာ အာဆင်နယ်နဲ့တွေ့ဖို့ ၁ ပွဲကျန်သေးတယ်။ ရာသီကုန်ဖို့ ရင်ဆိုင်စရာပွဲတွေကြည့်ပြီးပြောရင် မန်စီးတီးထက် အာဆင်နယ်ကို ပိုစိတ်ပူရပါတယ်။ ဘာလို့လည်းဆိုတော့ အာဆင်နယ်တို့က ၄ လပိုင်းအကုန်ကနေ ၅ လပိုင်းအဝင်အတွင်း မန်စီးတီး၊ ချယ်လ်ဆီး၊ နယူးကာဆယ်၊ ဘရိုက်တန် ပြီးတော့ လီဗာပူးလ်တို့နဲ့ ရင်ဆိုင်ဖို့ရှိပါတယ်။ မန်စီးတီးရဲ့ Program ထက် ကြမ်းတမ်းပါတယ်။ အဲ့တာကြောင့် စီးတီးတို့ရဲ့ ချန်ပီယံနေရာ ရင်ခုန်လို့ရနေတုန်းဖြစ်ပါတယ်။ ပြောမယ်ဆိုရင် ရာသီရဲ့ နောက်ဆုံးပြိုင်ပွဲအထိ ကြည့်ခဲ့ရလိမ့်မယ်။ ဒါပေမယ့် ဒီပွဲမှာတော့ လီဗာပူးလ်ကို အရင်နိုင်အောင်ကြိုးစားရမယ်။ အာဆင်နယ်ထက်စောပြီး ပြိုင်ကစားတယ်။ အနိုင်ရသွားလို့ကတော့ အာဆင်နယ်တို့အတွက် ဖိအားများစွာ ရရှိသွားလိမ့်မယ်။ ဒီပွဲ စီးတီးတို့ဆီမှာ ဒဏ်ရာရထားတဲ့သူတွေမရှိပါဘူး။ အားလုံးပဲ ဆင်းကစားဖို့ အဆင်သင့်ဖြစ်ပါတယ်။ အဲ့ထက်ကောင်းတာ စီးတီးတို့က ကိုယ့်အိမ်ကွင်းနဲ့ ခြေစွမ်းတော်တော်ပြတတ်ပါတယ်။ ဒီရာသီအတွင်း အိမ်ကွင်းနဲ့ ၁၃ ပွဲ ကစားပြီး အနိုင် ၁၁ ပွဲတောင် ရရှိသွားပါတယ်။ သရေ ၁ ပွဲနဲ့ အရှုံး ၁ ပွဲလေးပဲ ရရှိခဲ့ပါတယ်။ နောက်ပြီး အဲ့ဒီ ၁၃ ပွဲထဲနဲ့ ဂိုး ၄၃ လုံးတောင် သွင်းနိုင်တယ်။ တစ်ပွဲကို ဂိုး ၃ လုံး ပုံမှန်သွင်းနိုင်နေကြတာဖြစ်ပါတယ်။ သူတို့ရဲ့တိုက်စစ်ပိုင်းက အရမ်းကြမ်းတယ်။ အဓိက ဟာလန်းနဲ့တစ်ယောက်ဆိုရင် ၂၆ ပွဲ ဆင်းကစားပြီး ဂိုး ၂၈ လုံးတောင် သွင်းနိုင်တယ်။ သူ့ခန္ဓာကိုယ်နဲ့ လျင်မြန်ချက်က ဘယ်သူမှယှဉ်လို့မရဘူး။ တောင့်တင်းမှုတော်တော်ရှိတယ်။ ဒီပွဲ စီးတီးမှာ ဟာလန်း၊ ဒီဘရိုင်း၊ ဆေးလ်ဗား၊ ဖိုဒန်းနဲ့ ရိုဒရီတို့ ရှိနေပါတယ်။ တိုက်စစ်ပိုင်းနဲ့ ကွင်းလယ်ပိုင်းက အရမ်းပဲ ပြည့်စုံနေပါတယ်။ ကိုယ့်အမှားကို မလုပ်မိရင်တော့ ဘယ်အသင်းကိုမှ ကြောက်စရာမလိုပါဘူး။ လက်ရှိ ကစားသမားအဖွဲ့အစုက အရင်လောက်မကြမ်းပေမယ့် အရမ်းကောင်းတဲ့ထဲတော့ရှိပါတယ်။ သူတို့ရဲ့ Only one အားနည်းချက်ကတော့ ခံစစ်ပိုင်းပဲဖြစ်ပါတယ်။ သူတို့ရဲ့ခံစစ်ပိုင်းကလည်း ပရိသတ်တွေကို ရင်ခုန်အောင် အကြိမ်ကြိမ်လုပ်ဖူးတယ်။ တိုက်စစ်ပိုင်းက အရမ်းကောင်းနေလို့သာ အဆင်ပြေနေတာပါ။ ဒီပွဲ သူတို့ လီဗာပူးလ်ကိုနိုင်မယ်ထင်ပါတယ်။ ဟာလန်းက ဒဏ်ရာရထားပြီး နိုင်ငံအသင်းထဲမပါနိုင်ပေမယ့် ဒီပွဲမှာတော့ မပါပဲမနေလောက်ပါဘူး။

လီဗာပူးလ်တို့ကျတော့ ထာဝရရန်သူအပေါ် ၇-၀ နဲ့ အနိုင်ရသွားကတည်းက ခြေစွမ်းတွေညံ့ပြီး အောက်ဆုံးအဆင့်ဖြစ်တဲ့ ဘုန်းမောက်ကို ရှုံးသွားတယ်။ ပြီးရင် UCL တိုက်ပွဲထဲကနေ အပယ်ခံထိသွားပါတယ်။ ဘုန်းမောက်နဲ့ပွဲတုန်းက အလိုလိုစိတ်လျှော့ချလိုက်တာ မြင်ခဲ့ရပါတယ်။ မန်ယူနဲ့တွေ့တုန်းကလိုမျိုး တက်ကြွမှုမရှိခဲ့ပါဘူး။ ဒါပေမယ့်လည်း လီဗာပူးလ်တို့က ခံစစ်အရမ်းပိတ်ထားတဲ့အသင်းနဲ့တွေ့ရင် အဲ့လိုမျိုးဖြစ်တတ်တယ်ဆိုတာ မထူးဆန်းပါဘူး။ နူးနက်ဇ်နဲ့ ဆာလက်တို့ကစားဖို့နေရာတောင် မရလိုက်ပါဘူး။ တိုက်စစ်ပိုင်းက ပိတ်ခံထိတော့ ဘာမှမတတ်နိုင်ခဲ့ပါဘူး။ ဘောလုံးကို ဟိုပို့ ဒီပို့ရုံပဲ ပြီးသွားတယ်။ လီဗာပူးလ်ရဲ့ လက်ရှိကစားသမားအဖွဲ့အစုက ကွင်းလယ်ပိုင်းမှာ ကစားပွဲဖန်တီးပေးမယ့်သူမရှိဘူး။ အဲ့ဒီတော့ ရာသီဈေးကျရင် Jude Bellingham ကို မဖြစ်မနေ ရအောင်ခေါ်မှဖြစ်မယ်။ ပြီးတော့ Mason Mount နဲ့တစ်ယောက်ကိုလည်း ပါအောင်ခေါ်ရမယ်။ လီဗာပူးလ်ရဲ့ လက်ရှိ ကွင်းလယ်ကစားသမားက အဆင်မပြေဘူး။ အဲ့ထက်ဆိုးတာ Bajcetic က လောလောဆယ် ဒဏ်ရာရထားသေးတယ်။ ဒီလိုကြည့်ပြီးပြောရင် လီဗာပူးလ်တို့ Top4 ထဲ ပါနိုင်မလားဆိုတာ မသေချာတော့ပါဘူး။ နံပါတ် ၄ မှာရှိနေတဲ့အသင်းထက် ပြိုင်ပွဲ ၂ ပွဲ ပိုနည်းပေမယ့် အဲ့ဒီလက်ကျန် ၂ ပွဲစလုံးကို အနိုင်ရခဲ့ရင်တောင် ကျော်မတက်နိုင်သေးပါဘူး။ နောက်ပြီး နယူးကာဆယ်တို့တောင် သူတို့ထက် ၅ မှတ် ပိုများနေပါတယ်။ ဒီပွဲနဲ့ လာမယ့် ၂ ပွဲမှာ ၃ ပွဲလုံး အနိုင်ရသွားခဲ့ရင်တော့ ရင်ခုန်လို့ရလိမ့်မယ်။ ဒါပေမယ့် အဲ့ဒီ ၃ ပွဲထဲက ၂ ပွဲရှုံးသွားရင်တော့ နှုတ်ဆက်လိုက်ပါ။ စီးတီး၊ အာဆင်နယ်နဲ့ ချယ်လ်ဆီးကို ကျော်ဖြတ်ပြီး ကြားထဲမှာ စပါးနဲ့ ထပ်တွေ့ရမှာဆိုတော့ အရမ်းခက်ပါတယ်။ ဝုဗ်တို့ ဘုန်းမောက်ရယ် ပြီးတော့ ဘရန်ဖိုတ့်တို့ကို ရှုံးသွားကတည်းက လီဗာပူးလ်ရဲ့အရည်အချင်းကို ကောင်းကောင်းမြင်ခဲ့ရပြီးပြီ။ ၃ မှတ်ရသင့်တာကို ၀ ပဲ ရခဲ့ပါတယ်။ ဒီနှစ်မှာတော့ အစစအရာရာ ကိုယ့်ကိုယ်ကိုပဲ အပြစ်ပြောရပါမယ်။ ကစားသမားအသစ် ခေါ်သွင်းတုန်းက ကွင်းလယ်နဲ့ ခံစစ်ကို ခေါ်ဖို့ စိတ်တောင်မကူးခဲ့ကြဘူး။ အဲ့ဒီကစားသမားအဟောင်းတွေရဲ့ ကစားပုံကစားနည်းတွေ လူတိုင်းက သိနေကြကုန်ပြီ။ အဲ့ဒီတော့ လာမယ့်နွေရာသီဈေးကျရင် အနည်းဆုံး ၅ ယောက်လောက်တော့ ခေါ်သင့်ပါတယ်။ ပြီးရင် နေသားကျဖို့အချိန်လည်း လိုနေကြလိမ့်မယ်။ လီဗာပူးလ်တို့က လွယ်လွယ်လေးနဲ့ ပြန်လာနိုင်မယ်မထင်သေးပါဘူး။ ဒီပွဲ အနိုင်ရသွားခဲ့ရင်တော့ ယုံကြည်မှု ပြန်ကောင်းလာလိမ့်မယ်။ ဒါပေမယ့် လုံးဝမလွယ်ပါဘူး။ သူတို့ရဲ့ အဝေးကွင်းအခြေနေကလည်း ညံ့နေပါတယ်။ အဝေးကွင်းနဲ့ ၁၃ ပွဲထဲမှာ အနိုင် ၃ ပွဲလေးပဲ လုပ်နိုင်ခဲ့ပြီး အရှုံး ၇ ပွဲတောင် ရရှိသွားပါတယ်။ အဲ့ဒီ အဝေးကွင်းစံချိန်ကြီးနဲ့ အိမ်ကွင်းမှာ အရမ်းကြမ်းတဲ့မန်စီးတီးနဲ့တွေ့ရမှာဆိုတော့ ဘယ်လိုမှခံနိုင်မယ်မထင်ပါဘူး။

အချင်းချင်းတွေ့ဖူးတဲ့စံချိန်ထဲမှာ မနိုင်မရှုံးလေးဖြစ်တဲ့အတွက် ခန့်မှန်းရခက်ပါတယ်။ ပြောမယ်ဆိုရင် အခွင့်ရေးဖန်တီးနိုင်တဲ့ဘက်က ပိုသာလိမ့်မယ်။ ပြတ်သားမှုပိုရှိတဲ့ဘက်က အနိုင်ရသွားလိမ့်မယ်။ အချင်းချင်းတွေ့ခဲ့ဖူးတဲ့ နောက်ဆုံး ၅ ပွဲတုန်းကဆိုရင် လီဗာပူးလ်ဘက်က ပိုကောင်းပါတယ်။ ပထမကျော့တုန်းက လီဗာပူးလ်ရဲ့အိမ်ကွင်းဖြစ်ပြီး စီးတီးအပေါ် ၁-၀ နဲ့ အနိုင်ရသွားခဲ့ဖူးပါတယ်။ ဒါပေမယ့်လည်း ကာရာဘောင်းဖလားတုန်းက စီးတီးတို့ ၃-၂ နဲ့ ပြန်နိုင်ထားပါတယ်။ နိုင်ငံအသင်းနဲ့ လုံးထွေးပြီး ပြန်လာတာချင်းတူတူပဲဖြစ်ပါတယ်။ နှစ်သင်းစလုံးရဲ့ ရည်မှန်းချက်ကတော့ ရှင်းရှင်းလင်းလင်းဖြစ်ပါတယ်။ စီးတီးတို့က ချန်ပီယံဖြစ်ချင်တယ်။ အာဆင်နယ်ထက် ပြိုင်ပွဲ ၁ ပွဲပိုနည်းပြီး ရမှတ် ၈ မှတ်ပါ ပိုနည်းနေပါတယ်။ လက်ကျန် ၁ ပွဲကို အနိုင်ရခဲ့ရင်တော့ ၅ မှတ်ထဲပဲ ပိုနည်းခဲ့လိမ့်မယ်။ ပြီးတော့ အချင်းချင်းတွေ့ဖို့တစ်ပွဲပါ ကျန်နေသေးတယ်။ လီဗာပူးလ်တို့ကျတော့ လမ်းခရီးတွေ အရမ်းကြမ်းတမ်းပါတယ်။ ဒီပွဲကစပြီး နောက်လာမယ့် ၂ ပွဲမှာ အာဆင်နယ်နဲ့ ချယ်လ်ဆီးတို့ စောင့်နေပါတယ်။ အဲ့ဒီ ၃ ပွဲထဲမှာ အဝေးကွင်းနဲ့ ၂ ပွဲတောင် ဖြစ်နေပါတယ်။ လီဗာပူးလ်ရဲ့ လက်ရှိရာသီအတွင်း အဝေးကွင်းစံချိန်က ဆိုးပါတယ်။ အဲ့ဒီတော့ သူတို့ Top4 နေရာ ရင်ခုန်နိုင်မလားဆိုတာ ဒီ ၃ ပွဲကိုကြည့်ပြီး အဖြေတန်းထွက်လာလိမ့်မယ်။ မထင်မှတ်တဲ့ တက်ကြွမှုမျိုးကို ခေါ်နိုင်ဖို့လိုလိမ့်မယ်။ ထူးချွန်တဲ့ကစားသမားကိုကြည့်မယ်ဆိုရင် အိမ်ရှင်ဘက်က ဟာလန်းနဲ့ ဒီဘရိုင်းတို့အတွဲပဲဖြစ်ပါတယ်။ ကြားထဲ ဖိုဒန်းနဲ့ Grealish တို့အတွဲပါရှိနေသေးတယ်။ သူတို့တွေ လီဗာပူးလ်ရဲ့ ခံစစ်ပိုင်းကို တိုင်ပတ်အောင်လုပ်လိမ့်မယ်။ လီဗာပူးလ်တို့ကျတော့ တိုက်စစ်ပိုင်းမှာ တိုက်စစ်မှူး ၃ ယောက်ဖြစ်တဲ့ နူးနက်ဇ် Gakpo နဲ့ ဆာလက်တို့ကို အားကိုးရလိမ့်မယ်။ အဲ့ထက်စိတ်ပူစရာကောင်းတာ ဗန်ဒိုက်နဲ့ Konaté တို့ အာနိုးဆီက အလုပ်တွေပါ တာဝန်ယူပေးခဲ့ရလိမ့်မယ်။ ဒီလိုအခြေနေမျိုးနဲ့ဆိုရင် သေမင်းကြီးကျနေတဲ့ မန်စီးတီးရဲ့ ခြေစွမ်းကို လီဗာပူးလ်တို့ လုံးဝခံနိုင်မယ်မထင်ပါဘူး။ စီးတီးတို့ရဲ့ စွမ်းဆောင်ရည်နဲ့ တက်ကြွမှုက လီဗာပူးလ်ထက် အဆပေါင်းများစွာ ရှိနေပါတယ်။ အဲ့ဒီတော့ ဒီပွဲ စီးတီးတို့က လီဗာပူးလ်ကို ပါးရိုက်လွတ်လိမ့်မယ်။

11 Players

Man City (4-3-3) – Ederson – Ake – Dias – Akanji – Walker – Rodri – Gundogun – De Bruyne – Silva – Grealish – Haaland

Liverpool (4-3-3) – Allison – Robertson – Trent Arnold – Konate – Van Dijk – Fabinho – Henderson – Elliot – Salah – Gakpo – Jota

Missing Players

Manchester City – Phil Foden (Appendectomy)

Liverpool FC – Thiago (Problems with the hip flexor), Darwin Núñez (Unknown Injury), Konstantinos Tsimikas (Bruised Rib), Luis Díaz (Knee Injury), Stefan Bajcetic (Tear in the abductor muscle), Calvin Ramsay (Knee Surgery)