Sportbooks365 MM

လီဗာပူးလ်အသင်း ရာသီကုန်ခါနီမှကြမ်းပြနေပါတယ်။ အခုလက်ရှိ သူတို့အခြေနေက ချန်ပီယံလိဂ်ဇုန်ထဲရောက်ဖို့ အရမ်းခက်နေပါတယ်။ ဘာလို့လည်းဆိုတော့ မန်ယူတို့ လက်ကျန်ပွဲမှာ အနိုင်ကောက်ရသွားရင် လီဗာပူးလ်ထက် ၄ မှတ် သာသွားမှာဖြစ်သောကြောင့်ပါ။ ပြီးတော့ ရာသီကုန်ဖို့ ၂ ပွဲထဲပဲကျန်တဲ့အတွက် တစ်ပွဲလောက်နိုင်သွားတာနဲ့ ပွဲသိမ်းပါတယ်။ အဲ့တာကြောင့် လီဗာပူးလ်တို့ ချန်ပီယံလိဂ်ဇုန်ထဲ ပါဖို့လုံးဝမလွယ်တော့ပါဘူး။ မန်ယူတို့က ဒီရာသီအတွင်း အိမ်ကွင်းနဲ့ တောင့်တင်းမှုရှိပါတယ်။ ဒါပေမယ့်လည်း ဘာမှမတွေးပဲပြောရင်တော့ လီဗာပူးလ်တို့အခြေနေက တော်တော်ပြန်ကောင်းနေပါတယ်။ ကစားသမားတော်တော်များများက စွမ်းဆောင်ရည်ပြန်ကောင်းနေကြတာ ဖြစ်ပါတယ်။ ရာသီရဲ့အစပိုင်းတုန်း ခြေစွမ်းမပြနိုင်တဲ့ အာနိုးတို့ Curtis Jones တို့ လောလောဆယ် စွမ်းဆောင်ရည်ကောင်းနေကြပါတယ်။ အဆိုးဆုံးကတော့ အာနိုးပါပဲ သူကညာဘက်နောက်ခံနေရာတာဝန်ယူပြီး ပြိုင်ဘက်အတွက် မုန့်စိန်တော်တော်ဖြစ်ခဲ့ဖူးပါတယ်။ ဒါပေမယ့် အသင်းနည်းပြရဲ့ နည်းစနစ် ပြောင်းလဲသွားတော့မှ သူ့မှာ အယုံကြည်ရဆုံးကစားသမား တန်းဖြစ်သွားပါတယ်။ သူ့ကို ကွင်းလယ်အထိ နေရာရွှေ့ပြီး အသင်းအတွက် အကျိုးအပေးနိုင်ဆုံးနေရာမှာ တာဝန်ပေးခဲ့ပါတယ်။ အဲ့ကနေစပြီး သူ့မှာ အရည်အချင်း ပြန်ပြနိုင်ခဲ့ပါတယ်။ အဲ့ထက်ကောင်းတာ နဂိုက ကွင်းလယ်ကစားသမားဖြစ်တဲ့ Curtis Jones မှာလည်း ဒီတိုင်းနေရင်းနဲ့ ခြေစွမ်းကောင်းလာလေရော။ Curtis Jones က တိုက်စစ်ဆင်ကစားဖို့လောက်ပဲ လုပ်တတ်ပြီး ခံစစ်ပိုင်းကို အမြဲစိတ်ပူခဲ့ရလို့ ခြေစွမ်းမပြနိုင်ခဲ့ပါဘူး။ ဒါပေမယ့် အဲ့အပိုင်း အထောက်အကူအနေနဲ့ အာနိုးက ရောက်လာတော့မှ သူ့အတွက် အလိုလိုနဲ့ အကျိုးထိရောက်သွားပါတယ်။ အခု အသင်းက အာနိုးကို ထောက်ကူပေးတာလား အာနိုးက အသင်းကို ထောက်ကူပေးတာလားဆိုတာ မသေချာတော့ပါဘူး။ အစစအရာရာက အရမ်းပဲကောင်းနေပါတယ်။ ဒီပွဲ အသုံးပြုမယ့်ကစားစနစ်ကတော့ လက်စတာကို ၃-၀ နဲ့ အနိုင်ရသွားတဲ့စနစ်ကိုပဲ ဆက်လက်အသုံးပြုမယ်ထင်ပါတယ်။ တိုက်စစ်ဆင်ဖို့ ကြိုးစားပြီး အသက်ကုန်ထုထောင်းလိမ့်မယ်။ ဒီနှစ်အတွင်း အိမ်ကွင်းစံချိန် သိပ်မကောင်းပေမယ့် အိမ်ကွင်းနဲ့ ၃ မှတ်ရမသွားတာ ၅ ပွဲလေးပဲရှိပါတယ်။ ၄ ပွဲသရေ ၁ ပွဲအရှုံးဖြစ်ပါတယ်။ ဒီပွဲကတော့ အန်ဖီးလ်ကွင်းနဲ့ ခြေစွမ်းပြနိုင်လောက်ပါတယ်။

Sportbooks365 MM အက်စတွန်ဗီလာတို့ကျတော့ အခုတလော အဆင့် ၈ မှာ ရပ်တည်နေပြီး ဥရောပဇုန်ထက် ၁ မှတ်ပဲ ကွာဟနေပါတယ်။ ဒါပေမယ့် တစ်ပွဲပိုကစားထားပါတယ်။ ပြီးတော့ သွင်းဂိုးစံချိန်ကလည်း မကောင်းဘူး နောက်ပြီး စွမ်းဆောင်ရည်တွေက တည်ငြိမ်မှုမရှိသေးဘူးဖြစ်ပါတယ်။ ပြီးတော့ ဒီရာသီရဲ့ လက်ကျန်နှစ်ပွဲက တော်တော်ခက်ပါတယ်။ ဥပမာ ဒီပွဲ လီဗာပူးလ်ကို နိုင်ပြီး ဘရိုက်တန်တို့ပွဲစဉ်က သရေကျသွားရင်တော့ နောက်ဆုံးတစ်ပွဲ ဘရိုက်တန်နဲ့ အဆင့် ၆ ကို လုယက်ခဲ့ရလိမ့်မယ်။ ဒါပေမယ့်လည်း လီဗာပူးလ်တို့က အန်ဖီးလ်ကွင်းနဲ့ကစားရင် ဘယ်အသင်းအတွက်မှ မလွယ်ပါဘူး။ အသင်းရဲ့အဆင်သင့်ပိုင်းကတော့ အသင်းနည်းပြပဲ ညာဏ်ရည်ပြနိုင်မလားမသိဘူး။  သူ့မှာ ယာဂင်ကလော့ပ်နဲ့ ၈ ပွဲရင်ဆိုင်ခဲ့ဖူးပြီး ကလော့ပ်ကို ၆ ပွဲတောင် ရှုံးနိမ့်သွားပါတယ်။ သရေ ၁ ပွဲနဲ့ အနိုင် ၁ ပွဲ လုပ်ထားနိုင်ခဲ့ဖူးပါတယ်။ ဒီရာသီ လီဗာပူးလ်နဲ့ ပထမတစ်ပွဲတုန်းက လီဗာပူးလ်ကို အရင်ရှုံးထားပါတယ်။ လီဗာပူးလ်က သူတို့ရဲ့ငယ်နိုင်လိုမျိုးဖြစ်နေတယ်။ Unai Emery ရောက်လာကတည်းက အက်စတွန်ဗီလာအသင်းရဲ့အခြေနေ ပြန်ကောင်းလာပါတယ်။ ဒါပေမယ့် တိကျမှုနဲ့ အမြဲလိုလိုမှုပဲ သိပ်မရှိသေးပါဘူး။ ကောင်းလိုက် ဆိုးလိုက် ဖြစ်နေတုန်းဖြစ်ပါတယ်။ အဲ့တော့ သူ့ကို ယုံလို့မရသေးပါဘူး။ နောက်ဆုံးတစ်ပွဲကမှ ကြက်တံဆိပ်ကို ၂-၁ နဲ့ နိုင်လာတဲ့အတွက် နည်းနည်းပါးပါးတော့ ချီးကျူးချင်ပါတယ်။ အဲ့တော့ ဒီပွဲ သူတို့ ၄-၄-၂ စနစ်ကိုပဲ အသုံးပြုမယ်ထင်တယ်။ Watkins က သူတို့အသင်းရဲ့ ဂိုးဖန်တီးရှင်ဖြစ်ပြီး ဒီရာသီ ဂိုး ၁၄ လုံး သွင်းထားနိုင်ခဲ့ပါတယ်။ သူ့စွမ်းဆောင်ရည်က မဆိုးပါဘူး။ ဒီရာသီကုန်သွားတာနဲ့ အသင်းပြောင်းတော့မယ်ထင်တယ်။ နောက်တစ်ယောက်ကတော့ Doughlas နဲ့တစ်ယောက်ပါပဲ သူက McGinn နဲ့အတူ ကွင်းလယ်ပိုင်းကို ထိန်းချုပ်တယ်။ Doughlas က အသင်းအတွက် အန္တရာယ်တွေရှင်းထုတ်ပေးပြီး အဝေးကနေ ဂိုးပါသွင်းပေးနိုင်ပါတယ်။ ဒီနေရာ လီဗာပူးလ်တို့ သတိထားခဲ့ရလိမ့်မယ်။ အက်စတွန်ဗီလာရဲ့ခံစစ်ပိုင်းကတော့ ဒီလိုပါပဲ။ တစ်ပွဲကို ဂိုးတစ်လုံးလောက် ပုံမှန်သွင်းခံထိတတ်ပါတယ်။ ဒီပွဲကတော့ ခက်ပါတယ်။ လီဗာပူးလ်ရဲ့ လက်ရှိအခြေနေနဲ့ဆိုရင် အက်စတွန်ဗီလာတို့ အမှတ်မရပဲ ပြန်သွားလိမ့်မယ်။

အချင်းချင်းတွေ့ခဲ့ဖူးတဲ့စံချိန်ထဲမှာ လီဗာပူးလ်ဘက်က ပိုသာပါတယ်။ နောက်ဆုံး ၅ ပွဲတုန်းကဆိုရင် အိမ်ကွင်းဖြစ်ဖြစ် အဝေးကွင်းဖြစ်ဖြစ် လီဗာပူးလ်ဘက်က ၅ ပွဲစလုံးပဲ အနိုင်ရသွားပါတယ်။ အခုတလော နှစ်သင်းစလုံးရဲ့အခြေနေက ကွာခြားမှုရှိပါတယ်။ လီဗာပူးလ်ဘက်က UCL ထဲပါဖို့ ရုန်းကန်နေတယ်။ ဒီပွဲအပါဝင် ၂ ပွဲလေးပဲကျန်ပါတော့တယ်။ ဒီပွဲမစခင် သူတို့ နယူးကာဆယ်ထက် ၄ မှတ်နည်းပြီး မန်ယူထက် ၁ မှတ် နည်းနေပါတယ်။ ဒါပေမယ့် သူတို့က မန်ယူထက် ၁ ပွဲ ပိုကစားထားပါတယ်။ အဲ့တော့ ရှင်းရှင်းပြောမယ်ဆိုရင် နယူးကာဆယ်ရဲ့နောက်ကနေ လိုက်နေရတုန်းပဲဖြစ်ပါတယ်။ ဘာလို့လည်းဆိုတော့ မန်ယူတို့က မုန့်တွေ အလကားကျွေးမသွားလောက်တော့ပါဘူး။ လီဗာပူးလ်တို့ အခုတလော အနိုင်ရမှာထက် ဘာမှစဉ်စားမနေတော့ပါဘူး။ ဥရောပတိုက်ပွဲထဲပါဖို့ရှိပါသေးတယ်။ UCL မဟုတ်ပဲ UEL ဖြစ်လိမ့်မယ်။ အက်စတွန်ဗီလာတို့ကျတော့ နောက်နှစ် EFL တိုက်ပွဲထဲပါဖို့ရှိပါသေးတယ်။ ဒါပေမယ့်လည်း မရှိသလောက်ဖြစ်နေပါပြီ။ အဲ့တော့ ဒီပွဲ ရည်မှန်းချက်ချင်းယှဉ်ကြည့်ရင် လီဗာပူးလ်ဘက်က ပိုပြင်းထံပါတယ်။ နောက်ပြီး အန်ဖီးလ်ကွင်းပါဖြစ်တဲ့အတွက် စိတ်မပူရတော့ပါဘူး။ လီဗာပူးလ်က အိမ်ကွင်းနဲ့ပွဲတွေမှာ ခြေစွမ်းပြနိုင်ပါတယ်။ အနိုင်ပွဲတွေ တောက်လျှောက် ကောက်သိမ်းနိုင်နေပါတယ်။ အက်စတွန်ဗီလာတို့ကျတော့ တစ်ပွဲကောင်း တစ်ပွဲဆိုးဖြစ်နေတုန်းပါ။ အဲ့တော့ အစစအရာရာ လီဗာပူးလ်ဘက်က ပိုသာမှန်း မြင်ခဲ့ရပါတယ်။ နှစ်သင်းစလုံးရဲ့ အဆင်သင့်ပိုင်းကတော့ လီဗာပူးလ်မှာ နူးနက်ဇ်လောက်ပဲမရှိသေးတော့ စိတ်ပူစရာမရှိပါဘူး။ အခြား အဓိကကစားသမားတွေ အဆင်သင့်ပဲ ဖြစ်နေကြပါတယ်။ အက်စတွန်ဗီလာတို့ကျတော့ ကစားသမားအားလုံးပဲ အဆင်သင့်ဖြစ်နေကြပါတယ်။ ကစားသမားချင်းယှဉ်ကြည့်ရင် လီဗာပူးလ်ဘက်က ပိုသာပါတယ်။ အသင်းရဲ့ ထူးခြားချက်ကတော့ လီဗာပူးလ်မှာ ကွင်းလယ်ကစားသမားအသစ်ဖြစ်တဲ့ အာနိုးပဲဖြစ်ပါတယ်။ သူ့စွမ်းဆောင်ရည်က အရမ်းကောင်းနေတယ်။ ဘောလုံးထိုးပေးချက်က တော်တော်ထိရောက်ပါတယ်။ ဒီပွဲမှာလည်း သူ ခြေစွမ်းပြနိုင်လောက်ပါတယ်။ အက်စတွန်ဗီလာမှာကျတော့ ဒီရာသီ ဂိုး ၁၄ လုံးသွင်းနိုင်တဲ့ Watkins ကိုပဲ မျှော်လင့်ခဲ့ရလိမ့်မယ်။ ဒီပွဲကတော့ အိမ်ရှင်ဘက်က အိမ်ကွင်းနဲ့ အကျောရထားပြီး ငယ်နိုင်လိုမျိုးပါဖြစ်တယ် နောက်ပြီး စွမ်းဆောင်ရည်ကလည်း ပိုသာနေတဲ့အတွက် ၃ မှတ်မရပဲမနေလောက်ပါဘူး။

11 Players

Liverpool (4-3-3) – Allison – Trent Arnold – Robertson – Konate – Van Dijk – Fabinho – Henderson – Jones – Salah – Jota – Gakpo

Aston Villa (4-4-2) – Martinez – Moreno – Mings – Konsa – Young – Ramsey – McGinn – Doughlas Luiz – Bailey – Watkins – Buendia

Missing Players

Liverpool FC – Darwin Núñez (Toe Injury), Calvin Ramsay (Knee Surgery), Stefan Bajcetic (Tear in the abductor muscle)

Aston Villa – ဒဏ်ရာနဲ့ ဘန်းခံထိထားတဲ့ကစားသမားမရှိပါ။