ptt gaming

ptt gaming အင်တာအသင်း အခုလိဂ်ထဲမှာ နံပါတ် ၂ ဖြစ်ပြီး ရာသီကုန်သွားတဲ့အထိ ဒီအဆင့်မှာပဲ ဆက်လက်ရှိနေမယ်ထင်ပါတယ်။ နာပိုလီကိုမှီဖို့ မဖြစ်နိုင်လောက်တော့ပါဘူး။ ဒီ UCL တိုက်ပွဲထဲကအခြေနေ သူတို့ Group of Dead ထဲမှာ ပါဝင်ရှိခဲ့တယ်လို့ယူဆနိုင်ပါတယ်။ ဒီနှစ် UCL တိုက်ပွဲ ၆ ပွဲကစားပြီး ၁၀ မှတ် ကောက်သိမ်းနိုင်တယ်။ ဘာစီလိုနာကို ယူရိုပါအထိကျသွားအောင် ပိတ်ကန်လိုက်သေးတယ်။ သူတို့ရဲ့ အသင်းထဲကအခြေနေနဲ့ စွမ်းဆောင်ရည်တွေ ကောင်းပါတယ်။ သူတို့ရဲ့အားသာချက်ကတော့ အိမ်ကွင်းနဲ့ပွဲတွေပဲ ဖြစ်ပါတယ်။ အိမ်ကွင်းနဲ့ ၁၂ ပွဲကစားပြီး အနိုင် ၁၀ ပွဲနဲ့ အရှုံး ၂ ပွဲ လုပ်ထားနိုင်ခဲ့ပါတယ်။ အဲ့ဒီ ၁၂ ပွဲထဲနဲ့ ဂိုး ၂၅ လုံးတောင် သွင်းယူသွားနိုင်ကြတယ်။ တစ်ပွဲကို ဂိုး ၂ လုံး ပုံမှန်သွင်းနိုင်နေတာဆိုတော့ တော်တော်ကောင်းတဲ့ထဲ ရှိပါတယ်။ အဲ့ထက်ကောင်းတာ ပြန်သွင်းခံထိတဲ့ဂိုးအရေအတွက်ကျတော့ ၆ လုံးထဲပဲရှိပါတယ်။ သူတို့ခံစစ်ပိုင်းလည်း အရမ်းပဲတောင့်တင်းမှုရှိနေကြပါတယ်။ ဂရုအဆင့်ပွဲတုန်းကဆိုရင် ဘိုင်ယန်ကိုပဲ ဂိုးပေးခဲ့ဖူးပါတယ်။ ကျန်တဲ့အသင်းတွေက သူတို့ကို ဂိုးမသွင်းနိုင်ခဲ့ကြပါဘူး။ အဲ့တော့ ဒီပွဲ ပေါ်တိုဆိုတဲ့အသင်းကလည်း ဘိုင်ယန်လောက်မကြမ်းတဲ့အတွက် ဂိုးအများကြီးသွင်းနိုင်မယ်မထင်ပါဘူး။ အင်တာတို့ရဲ့ တောင့်တင်းမှုရှိတဲ့ခံစစ်ပိုင်းက ဒီပွဲ တော်တော်အသုံးဝင်လိမ့်မယ်။ တိုက်စစ်ပိုင်းမှ တိုက်စစ်မှူးဖြစ်တဲ့ Lautaro Martinez က ဂိုးသိပ်မသွင်းနိုင်ပေမယ့် မဖြစ်မနေ မပါလို့မဖြစ်တဲ့ကစားသမားပါ။ နောက်ဆုံးတစ်ပွဲတုန်းက အရန်အနေနဲ့ ဆင်းကစားခဲ့ရတာတောင် ဂိုးပိတ်သွင်းနိုင်ခဲ့တယ်။ ဒီပွဲ ပထမ ၁၁ ယောက်စာရင်းထဲ ပါကိုပါလိမ့်မယ်။ စိတ်ဝင်စားစရာကောင်းတဲ့နောက်တစ်ယောက်ကျတော့ Dumfires ပါပဲ။ အစတုန်းက သူ့မှာ ညာဘက်ခံစစ်မှူးပါ ဒါပေမယ့် ၃-၅-၂ စနစ်နဲ့ဆိုရင် သူ့မှာခံစစ်ပိတ်ကစားခြင်းကိုပဲ ဦးစားမနေရတော့ပါဘူး တိုက်စစ်ဆင်တဲ့အခါမှာလည်း အထောက်အကူလုပ်ပေးနေရပါတယ်။ သူ့အခြေနေ တော်တော်ကောင်းပါတယ်။ ကွင်းအလယ်ပိုင်းမှာရှိတဲ့ Barella, Brozovic နဲ့ Mkhitaryan တို့ တွဲကစားတဲ့နေရာ တော်တော်အဆင်ပြေတယ်။ ခံစစ်ပိုင်းနေရာကျတော့ Acerbi နဲ့ Bastoni တို့ပဲ ဆင်းထိန်းလိမ့်မယ်။ De Vrij နဲ့တစ်ယောက်ကတော့ ဆင်းရမှာလားမသေချာသေးပါဘူး။ ဒီပွဲ Simone Inzaghi ဆိုတဲ့လူငယ်နည်းပြကြီးက ၃-၅-၂ စနစ်ကိုပဲ အသုံးပြုသွားမယ်ထင်တယ်။ ကွင်းလယ်ပိုင်းဦးစားပေးပြီး တည်တည်ငြိမ်ငြိမ်လေးကစားဖို့ စီစဉ်ထားလောက်ပါတယ်။ အနောက်တန်းနဲ့အလယ်တန်းက စိတ်ပူစရာမရှိပါဘူး အရှေ့တန်းကသာ ဂိုးသွင်းနိုင်ရင် ပွဲသိမ်းပါတယ်။

ပေါ်တူဂီမှ နာမည်ကြီး ပေါ်တိုအသင်းကျတော့ နောက်ဆုံး ၁၆ သင်းအဆင့်နဲ့ ၈ သင်းအဆင့်ထဲ အမြဲပါဝင်နေတတ်တဲ့အသင်းမျိုး ဖြစ်ပါတယ်။ ပြိုင်ပွဲတော်တော်များများ လီဗာပူးလ်နဲ့တွေ့ပြီး အပယ်ခံထိသွားတတ်ကြတယ်။ ဒီနှစ် နည်းနည်းကောင်းတာ အင်တာနဲ့တွေ့ရမှာဖြစ်ပါတယ်။ ဒါပေမယ့် အင်တာတို့က လီဗာပူးလ်ထက် ကြိုးစားမှုမနည်းပါဘူး။ တိုက်စစ်ဆင်တဲ့အခါမှာပဲ ကွားခြားမှုရှိတယ်။ ပေါ်တိုအသင်းက ဂရုအဆင့်တုန်းက ခြေစွမ်းတွေပြပြီး ဂရုဘီရဲ့နံပါတ် ၁ အနေနဲ့ ကျော်ဖြတ်လာပါတယ်။ ဒါပေမယ့် သူတို့ရှိနေတဲ့ဂရုထဲမှာ ခက်တဲ့ပွဲမရှိပါဘူး။ မထင်မှတ်တဲ့ဖြစ်ရပ်တွေကတော့ ဖြစ်ပေါ်ခဲ့ပါတယ်။ ဥပမာ အက်သလက်တီကိုတို့ပေါ့ ယူရိုပါဖလားကိုတောင် ပြိုင်ဖို့မရှိပဲ အပယ်ခံထိသွားပါတယ်။ ပေါ်တိုတို့ရဲ့ လက်ရှိစွမ်းဆောင်ရည်က ပုံမှန်ဖြစ်တယ်။ သူ့အခြေခံနဲ့သူ ကောင်းနေပါတယ်။ လိဂ်ပွဲစဉ်တွေမှာလည်း အနိုင်တောက်လျှောက် လုပ်နိုင်နေကြပါတယ်။ ဒါပေမယ့် သူတို့လိဂ်ထဲမှာ တကယ့်ပြိုင်ဘက်သိပ်မရှိကြပါဘူး။ အဲ့တော့ သူတို့ရဲ့ နောက်ဆုံး ၁၁ ပွဲစံချိန်ထဲမှာ အရှုံးပွဲမရှိတာ မထူးဆန်းပါဘူး။ ပေါ်တိုအသင်းဟာ တိုက်စစ်ဆင်ကစားတတ်တဲ့အသင်းမျိုးဖြစ်ပါတယ်။ အသက် ၃၀ နဲ့ တိုက်စစ်မှူး Taremi က သူတို့ရဲ့အဓိက ကစားသမားဖြစ်ပါတယ်။ လိဂ်ထဲမှာလည်း ဂိုးအများဆုံး သွင်းနိုင်တဲ့စံချိန် ပိုင်ဆိုင်ထားတုန်းပါ။ ဒီ UCL တိုက်ပွဲထဲမှာဆိုရင်လည်း ဂိုး ၅ လုံး သွင်းနိုင်ပြီးပါပြီ။ ဆာလက်နဲ့ အမ်ဘတ်ပီတို့တောင် ၇ လုံးပဲ သွင်းနိုင်ကြသေးတယ်။ ပေါ်တိုတို့ရဲ့ ကစားပုံကစားနည်းကတော့ စည်းဘေးကနေ ထိုးစစ်တတ်ကြပါတယ်။ သူတို့ရဲ့တောင်ပံကစားသမားက အပြေးတော်တော်မြန်ပါတယ်။ Pepe နဲ့ Franco တို့ရဲ့အပြေးက မြန်တဲ့ထဲရှိပါတယ်။ Otavio ကပဲ မပါနိုင်သေးတဲ့အတွက် နှမြောစရာကောင်းပါတယ်။ ပေါ်တိုတို့ အခုတလော ဒဏ်ရာရထားတဲ့ အဓိက ကစားသမားတွေ တော်တော်များများရှိနေပါတယ်။ Galaeno Evanilson နဲ့တစ်ယောက်ဆိုရင် အခုထိ ကွင်းထဲမဆင်းနိုင်သေးပါဘူး။ အဲ့တော့ Taremi နဲ့ အရှေ့မှာတွဲကစားဖို့ Martinez ကိုပဲ တာဝန်ပေးလိုက်ရပါတယ်။ ပေါ်တိုအသင်းရဲ့အခြေနေက မပြည့်စုံသေးပဲ အင်တာကို ဧည့်သည်သွားလုပ်ရမှာဆိုတော့ အရှုံးရသွားမယ်ထင်ပါတယ်။

အချင်းချင်းတွေ့ခဲ့ဖူးတဲ့စံချိန်ထဲမှာ အိမ်ရှင်ဘက်ကပိုသာခဲ့ဖူးပါတယ်။ ဒါပေမယ့်လည်း တော်တော်ကြာပါပြီ။ ၂၀၀၅ ခုနှစ်တုန်းကစံချိန်ကိုဆိုလိုပါတယ်။ ပြောမယ်ဆို ၁၈ နှစ်တောင်ရှိသွားပါပြီ။ အဲ့ပွဲပြီးတာနဲ့ တစ်ပွဲမှမတွေ့ကြရသေးပါဘူး။ ဒီပွဲ အချင်းချင်းပြန်တွေ့ပြီဆိုတော့ လက်ရှိစွမ်းဆောင်ရည်ကိုပဲကြည့်ပြီး ယူဆရလိမ့်မယ်။ နှစ်သင်းစလုံး ကစားနေတဲ့လိဂ်ချင်းယှဉ်ကြည့်ရင်တော့ အင်တာဘက်ကပိုခက်ပါတယ်။ ပေါ်တူဂီလိဂ်က အီတလီလိဂ်လောက် တောင့်တင်းမှုမရှိပါဘူး။ အင်တာတို့က အဲ့လိုကြမ်းတဲ့လိဂ်မှ Top4 အသင်းထဲ ပါဝင်နေပါတယ်။ ပေါ်တိုတို့ရောပဲပေါ့်၊ ကိုယ့်လိဂ်နဲ့ကိုယ် ကောင်းနေကြပါတယ်။ နှစ်သင်းစလုံးက UCL တိုက်ပွဲထဲ နှစ်တိုင်းပဲ ပါဝင်ယှဉ်ပြိုင်တတ်ပါတယ်။ ဒါပေမယ့် အောင်မြင်မှုနဲ့ မနီးနိုင်ကြသေးပါဘူး။ အင်တာတို့ရဲ့ လက်ရှိစွမ်းဆောင်ရည်က သုံးစားလို့ရပါတယ် မဆိုးပါဘူး။ ဒါပေမယ့် တိုက်စစ်ပိုင်းကသာ နည်းနည်းလိုနေသေးတယ်။ ပွဲတိုင်းနီးပါး မနည်းရုန်းကန်ခဲ့ရပါတယ်။ ဒါပေမယ့် အိမ်ကွင်းစံချိန်ထဲမှာကတော့ ကြမ်းပါတယ်။ တစ်ပွဲနဲ့တစ်ပွဲမှာ ဂိုးသွင်းနှုန်း ၂.၅ လုံးလောက်ရှိနေပါတယ်။ ဒါပေမယ့် အဝေးကွင်းနဲ့အခြေနေကတော့ နည်းနည်းစိတ်ပျက်စရာကောင်းပါတယ်။ ဒါပေမယ့်လည်း ဒီပွဲ ကိုယ့်အိမ်ကွင်းနဲ့ ကစားရမှာဆိုတော့ အကျောတော်တော်ရထားပါတယ်။ ဒီညပွဲ သူတို့ဂိုးသွင်းဖို့ရှိပါတယ်။ ဧည့်သည်အသင်းကို ဖိအားပေးနိုင်လိမ့်မယ်။ ပေါ်တိုတို့မှာလည်း တိုက်စစ်ဆင်ကစားတဲ့နေရာ တော်တော်ထိရောက်ပါတယ်။ လိဂ်ထဲမှာ ဘင်ဖီကာတို့ရဲ့အနောက်ကနေ လိုက်နေရတယ်ဆိုပေမယ့် သူ့စွမ်းဆောင်ရည်နဲ့သူတော့ ကောင်းနေတုန်းဖြစ်ပါတယ်။ အရှုံးမရှိတာလည်း ၁၁ ပွဲတောင် ရရှိသွားပါပြီ။ သွင်းဂိုးစံချိန်ကပါကောင်းနေတယ်။ သူတို့အဝေးကွင်းနဲ့စံချိန်ကတော့ စိတ်ပူစရာရှိပါတယ်။ အများကြီးတော့မဟုတ်ပါဘူး။ သူ့အခြေခံနဲ့သူ ရှိနေကြပါတယ်။ ဒီပွဲ တော်တော်ကြည့်ကောင်းလိမ့်မယ်။ နှစ်သင်းစလုံးရဲ့သွင်းဂိုးပေါင်းလိုက်ရင် ၃ လုံးလောက်ဖြစ်ပေါ်ဖို့ရှိပါတယ်။

11 Players

Inter Milan (3-5-2) – Handanovic – Acerbi – De Vrij – Bastoni – Barella – Mkhitaryan – Brozovic – Dumfries – Dimarco – Lukaku – Martinez

Porto (4-4-2) – Costa – Wendell – Marcano – Pepe – Joao Mario – Eustaquio – Grujic – Pepe – Franco – Taremi – Martinez

Missing Players

Inter Milan – Dalbert (Cruciate Ligament Injury), Joaquín Correa (Hamstring Injury)

FC Porto – Fábio Cardoso (Unknown Injury), Evanilson (Unknown Injury), Galeno (Rupture of the spleen), Mateus Uribe (Rupture of the spleen), Gabriel Veron (Ankle Injury), Otávio (Muscle Fatigue)