jilimm

အိမ်ရှင်မန်စီးတီးအသင်း အခုတလော အစစအရာရာ သူတို့လက်ထဲမှာပဲရှိနေပါတယ်။ ဒီရာသီရဲ့ လက်ကျန်ပွဲတွေအားလုံးကို အနိုင်ရခဲ့ရင်တော့ ချန်ပီယံနောက်တစ်ခေါက် တန်းဖြစ်သွားလိမ့်မယ်။ အဲ့ဒီတော့ ဒီနှစ်မှာလည်း ရာသီရဲ့ နောက်ဆုံးတိုက်ပွဲအထိ လိုက်ကြည့်ခဲ့ရလိမ့်မယ်။ အတွေ့ကြုံပိုင်းကလည်း အာဆင်နယ်ထက်များပါတယ်။ လီဗာပူးလ်နဲ့ တိုက်ခိုက်တုန်းက ပိုတောင်ခက်သေးတယ်။ အဲ့တာနဲ့ပဲ သူတို့ ဖိအားအောက်ကနေ ကောင်းကောင်းစီမံခန့်ခွဲနိုင်ပါလိမ့်မယ်။ ဒီနေ့မှာတော့ သူတို့ နံပါတ် ၁ အသင်းထက် စောပြီးကစားခဲ့ရပါတယ်။ အနိုင်ရခဲ့လို့ရှိရင်တော့ အာဆင်နယ်ထက် ၃ မှတ်ပဲ နည်းလိမ့်မယ်။ အာဆင်နယ်တို့ကျတော့ တနင်္ဂနွေနေ့ကျမှ ပြိုင်ကစားရမှာဖြစ်ပါတယ်။ ဒီပွဲကတော့ စီးတီးတို့အတွက် ဘာမှမခက်ပါဘူး။ သူတို့ပြိုင်ဘက်ဖြစ်တဲ့ လက်စတာအသင်းက စွမ်းဆောင်ရည် တော်တော်ညံ့နေပါတယ်။ ဒါပေမယ့် စီးတီးတို့မှာ ဒီပွဲ ဟာလန်းမပါသေးပါဘူး။ ဒါပေမယ့်လည်း အသင်းရဲ့အရွယ်အစားနဲ့ပြောရင် ပြသာနာမရှိပါဘူး။ စီးတီးရဲ့စွမ်းဆောင်ရည်က တော်တော်ပဲကောင်းနေပါတယ်။ လက်စတာတို့က ဘယ်လိုမျိုးနဲ့ ပြန်လှန်တိုက်ခိုက်မလဲတောင်မသိတော့ဘူး။ ဒီဘရိုင်းကတော့ ဒီပွဲအတွက် အဆင်သင့်ပဲ ဖြစ်နေတယ်။ Grealish နဲ့တစ်ယောက်မှာလည်း လောလောဆယ် ခြေစွမ်းတွေတော်တော်ကောင်းနေတယ်။ ဆက်တိုက် ဆင်းကစားခွင့် ရသွားလောက်ပါတယ်။ ဒီပွဲကတော့ ဘယ်လိုပဲကြည့်ကြည့် စီးတီးဘက်က ကစားစနစ်ပိုသာပါတယ်။ အဲ့တော့ ဒီပွဲ အနိုင်ရဖို့အရေး ခက်မနေလောက်ပါဘူး။ စီးတီးတို့ ဒီပွဲ ၃-၄-၂-၁ စနစ်နဲ့ ကစားမယ်ထင်တယ်။ စည်းဘေးနှစ်ဖက်က ၃-၄-၃ စနစ်လိုမျိုး အရှေ့တိုးပြီးကစားလိမ့်မယ်။ တိုက်စစ်ဆင်တဲ့အခါမှာ ပြိုင်ဘက်ရဲ့ ပင်နယ်တီစည်းအတွင်း စီးတီးကစားသမား ၆ ယောက်လောက် ရှိနေလိမ့်မယ်။ အဓိက စီးတီးတို့ ဘောလုံးကို လွယ်လွယ်လေးမဆုံးရှုံးတတ်ဘူး။ တစ်ပွဲနဲ့တစ်ပွဲမှာ ဘောလုံးပိုင်ဆိုင်နှုန်း တော်တော်မြင့်ပါတယ်။ ဒီပွဲကတော့ စီးတီးနဲ့ပဲ ရှိနေကြမယ်။

jilimm လက်စတာတို့ကျတော့ အခုတလော အောက်ဆုံးအဆင့်ထက် တစ်ဆင့်ထဲပဲသာနေပါတယ်။ အတန်းမဆင်းတဲ့အဆင့်ထက် ၃ မှတ်ပဲနည်းနေပါတယ်။ အဲ့ဒီတော့ သူတို့အတွက် အခွင့်ရေးရှိပါသေးတယ်။ ဒါပေမယ့်လည်း တော်တော်ရုန်းခဲ့ရလိမ့်မယ်။ အတန်းဆင်းမယ့်အသင်းတွေထက်ဆိုင်ရင် သွင်းဂိုးစံချိန်ပိုကောင်းပါတယ်။ ပြီးတော့ အတန်းဆင်းမယ့်ထဲကအသင်းတွေနဲ့ ရင်ဆိုင်ဖို့ပွဲတွေလည်းရှိနေတယ်။ အဲဗာတန်တို့ လိဒ်စ်တို့နဲ့ တွေ့စရာရှိပါသေးတယ်။ အဲ့နှစ်ပွဲစလုံး အနိုင်ရခဲ့ရင်တော့ အတန်းဆင်းရမယ့်ထဲကနေ ရုန်းထွက်နိုင်လောက်ပါတယ်။ လက်စတာတို့ရဲ့ အဝေးကွင်းအခြေနေကတော့ သိပ်မကောင်းပါဘူး။ အဝေးကွင်းနဲ့ ၁၅ ပွဲကစားပြီး ဂိုး ၃၂ လုံးတောင် သွင်းခံထိခဲ့ပါတယ်။ တစ်ပွဲကို ဂိုးနှစ်လုံး ပုံမှန်သွင်းခံထိနေပါတယ်။ ဒီပွဲ သူတို့မှာ Terlemans၊ Justin Evans နဲ့ Bertrant တို့ မရှိသေးပါဘူး။ အဲ့တော့ တော်တော်နစ်နာလိမ့်မယ်။ ဒဏ်ရာရထားတဲ့ကစားသမားမရှိတာတောင် စီးတီးကိုမခံနိုင်ပါဘူး။ အဲ့တော့ လက်ရှိ အခြေနေမျိုးနဲ့ဆိုရင် ဂိုးအပြတ်နဲ့တောင် ရှုံးသွားနိုင်ပါတယ်။ အသင်းထဲက အားကိုးရာကတော့ Maddison ပဲ ဖြစ်လိမ့်မယ်။ ဒီပွဲ လက်စတာတို့ ဘုန်းမောက်နဲ့ပွဲတုန်းကလို ၄-၂-၃-၁ စနစ်နဲ့ပဲ ကစားမယ်ထင်ပါတယ်။ နောက်ခံ ၄ ယောက်ရဲ့အရှေ့မှာ လူပို ၂ ယောက် ထပ်ပြီးချထားလိမ့်မယ်။ အရှေ့ဆုံးနေရာမှာတော့ Ihenacho တစ်ယောက်ထဲကိုပဲ နေခိုင်းလိမ့်မယ်။ သူက အခုတလော ဗာဒီထက် ပိုကောင်းနေတယ်။ ကွင်းလယ်ပိုင်းနေရာကျတော့ Maddison ကို ထိန်းခိုင်းပြီး သူ့ဘေးနားမှာ Barnes နဲ့ Pereira တို့ကို တာဝန်ပေးထားလောက်ပါတယ်။ အသင်းထဲက ပြသာနာအကြီးမားဆုံးကတော့ ဘောလုံးအပို့အယူနဲ့ Team work သိပ်မဖြစ်ကြဘူးဖြစ်ပါတယ်။ အဲ့တော့ ကွင်းလယ်ပိုင်းကနေ ဘောလုံးဆုံးရှုံးနိုင်ပြီး စီးတီးရဲ့အပိုင် ပြန်ဖြစ်သွားဖို့အခြေနေရှိပါတယ်။ လက်ရှိ စီးတီးရဲ့စွမ်းဆောင်ရည်နဲ့ဆိုရင် လက်စတာတို့ ဘယ်လိုမှမခံနိုင်ပါဘူး။

အချင်းချင်းတွေ့ဖူးတဲ့စံချိန်ထဲမှာ စီးတီးဘက်က ပိုသာပါတယ်။ နောက်ဆုံး ၁၀ ပွဲတုန်းကဆိုရင် စီးတီးဘက်က ၇ ပွဲတောင် အနိုင်ရရှိခဲ့ပါတယ်။ အရှုံးကတော့ ၃ ပွဲ ရရှိသွားပါတယ်။ ပြီးတော့ အဲ့ထက်ဆိုးတာ လက်စတာနည်းပြဖြစ်တဲ့ ဒင်းစမစ်က လက်စတာကိုဦးဆောင်ပြီး မန်စီးတီးနဲ့ ၆ ပွဲရင်ဆိုင်ခဲ့ဖူးပါတယ်။ အနိုင်တစ်ပွဲမှမရပဲ အကုန်လုံးရှုံးသွားပါတယ်။ လက်ရှိ နှစ်သင်းစလုံးရဲ့အခြေနေက လုံးဝကွာခြားမှုရှိတယ်။ စီးတီးတို့က ဖြစ်ချင်သလို ဖန်တီးနိုင်ပြီး ရာသီကုန်တဲ့အထိ အနိုင်ဆက်တိုက် ရခဲ့ရင်တော့ ချန်ပီယံတန်းဖြစ်ဖို့ အရမ်းသေချာပါတယ်။ လက်စတာတို့ကျတော့ စွမ်းဆောင်ရည်တွေအရမ်းညံ့ပြီး တကယ့်မနိုင်စိန်ဖြစ်နေပါတယ်။ အခု လိဂ်ထဲက အဆင့် ၁၉ ရောက်ရှိနေပြီး အတန်းဆင်းရမယ့်ကိန်းရှိနေပါတယ်။ နှစ်သင်းစလုံးရဲ့ အဆင်သင့်ပိုင်းကလည်း စီးတီးဘက်က ပိုပြီး အဆင်သင့်ဖြစ်ပါတယ်။ လက်စတာတို့မှာ Terlemans နဲ့ Justin Evans တို့ မရှိသေးပါဘူး။ စီးတီးမှာ ဟာလန်းပဲ မရှိသေးတာ ဖြစ်ပါတယ်။ ဟာလန်းက အဝါကဒ်ပြည့်သွားလို့ အနားယူနေရပါတယ်။ ဒါပေမယ့် ပြသာနာမရှိပါဘူး။ အစားဆင်းနိုင်တဲ့ကစားသမားတွေ တစ်ပုံကြီးရှိနေပါတယ်။ အဲ့တော့ စီးတီးရဲ့တိုက်စစ်ပိုင်းကို ဘာမှစိတ်ပူစရာမလိုပါဘူး။ ဒီဘရိုင်းနဲ့ ဆေးလ်ဗားတို့ကျန်သေးတယ်။ Alvarez နဲ့တစ်ယောက်ကလည်း ဂိုးတော်တော်ပြတ်သားနိုင်ပါတယ်။ အဲ့တော့ အေးအေးဆေးဆေးဖြစ်ပါတယ်။ လက်စတာတို့မှာကျတော့ နည်းနည်းအားကိုးလို့ရတယ်ဆိုလို့ Maddison ပဲရှိပါတယ်။ ကျန်တာ အဆင်မပြေသေးပါဘူး။ တစ်သင်းလုံး ခြေစွမ်းကျဆင်းနေကြပါတယ်။ အရင်တုန်းက လက်စတာအသင်းဟာ အမှတ်ဇယားရဲ့ အလယ်ပိုင်းမှာပဲ လုံးထွေးနေတဲ့အသင်းဖြစ်ပါတယ်။ အခုကျတော့ အတန်းဆင်းမယ့်ထဲ လုံးထွေးနေရော။ ဒီပွဲ နှစ်သင်းစလုံးရဲ့ ဦးတည်ချက်ချင်းယှဉ်ကြည့်ရင် စီးတီးဘက်က ပိုပြင်းထံပါတယ်။ အဲ့တော့ လက်စတာတို့ ပိုးစိုးပက်စက်ခံရလိမ့်မယ်။

11 Players

Man city (3-4-2-1) – Ederson – Akanji – Ake – Dias – Rodri – Stone – Grealish –  Rodri – Bernado Silva – Alvarez – De Bruyne

Leicester City (4-2-3-1) – Iversen – Faes – Amartey – Castagne – Ndidi – Maddison – Barnes – Ihenacho- Pereira – Kristiansen – Soumare

Missing Players

Man city : Erling Haaland (Yellow card suspension)

Leicester City : Ryan Bertrand (Knee Surgery), Jonny Evans (Calf Injury), Youri Tielemans (Torn Ankle Ligament), James Justin (Achilles tendon rupture)